ang mga nakaraang lathala ay matatagpuan sa kakaibang dingas ng petsa sa kalendaryo. SALAMAT!

ABAWT D OTOR:

Si Pnut Gritil ay isang promding naglalakbay sa pamamagitan ng kanyang pinakapaboritong sasakyan ang baby bus sa kanyang pinakapaboritong puwesto ang tabing bintana.

Nangangarap umusad ng kaunti ang buhay habang nagpapaalipin sa mga dayuhang hapon sa makabagong siglo.

Isang dakilang manggagawang pinoy na naglalaan ng kapiraso sa kakarampot na suweldo para sa buwis (para daw sa ikauunlad ng nalulugmok ng bayan), SSS (para sa pansariling kinabukasan), PAG ? IBIG (para sa bahay), Philhealth (para sa kaligtasan). Habang ang natitira ay ibinibigay pa sa mahal niyang ina.

Makabayan. Mapaglinlang. Medyo mayabang. May karamutan. Palakaibigan. At higit sa lahat madaldal with 2000 words per minute, sabang sari ? saring chismax ang alam, round the clock (dahil hindi natutulog ang chismis). Salamat sa mga sites... na nagpapahiram ng kani - kanilang mga ideya...

Kung merong dapat katakutan sa kanya ito ay ang kanyang 360 degrees na mata na may tendency na lumaki ng 3X the usual size at tulad ng isang halogen lamp sa liwanag.

Pero salamat sa mga matang ito dahil ito ang saksi sa everyday living. Patunay lang na ang lahat ng nasusulat sa blog na ito ay true to life (oo, inaamin ko na) experience/s hindi lang ng otor pati na rin ng ibang living and non living things, today, yesterday and tomorrow.

Pinagpagurang ilathala ni Pnut Gritil ang tunay na all around clerk.

GREASED NUTS

MGA LARAWAN
(s u l y a p)

PINOY BIG BROTHER FAN ART

TULA - TULAAN
(tse tse buretse)

TIPS SA BUHAY
(smart tips)

V i R i D i A n RooM

C R i M s O n RooM

TIKLADO

isang tula para kay gretzki
ni Andres Confessor Jr

nakakapanibago
ang takbo ng oras
waring hinihila
ang bawat silahis ng sinag
ng araw na lumulusot
sa munti kong lungga
na binalot ng katahimikan

nakakapanibago
ang katahimikang
bumabalot sa tikladong
dati-rati'y hayok sa
pagluluwal ng mga salitang
pilit na ipinagtatagpi-tagpi
upang makabuo ng diwang
salungat sa nilulunggati
ng posturang nakahuklo

nakakapanibago
ang posturang nakahuklo
sa upuang pinagsawaan ng
ilang makata
ang nangungupas na
telang balot ang kaulayaw
ng bawat tagaktak ng pawis
sa saliw ng hatsing
at tikatik ng mouse
ng kaluluwang lumulutang

nakakapanibago
ang kaluluwang lumulutang
sa bawat linya ng tulang
hinahabi at pagdaka'y
ibabaon sa tampipi
ng kahapong kinalimutan
upang muling iguhit
ang mga bakas
na binura
ng takbo ng oras